"Məcburi köçkünləin iki aylıq müavinətlərinin verilməsi ilə bağlı heç bir problem qalmayıb. Biz məcburi köçkünlərin adlı siyahılarını artıq toplamışıq. Sabah Dövlət Komitəsində müşavirə keçirib, siyahılara baxacağam". SİA-nın xəbərinə görə, bunu baş nazirin müavini Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov jurnalistlərə açıqlamasında deyib. O bildirib ki, məcburi köçkünkərin iki aylıq müavinətləri Novruz bayramından qabaq veriləcək: "Artıq sayğac, qaz olmayan yerlər dəqiqləşdirilib. 520 min adlı siyahı var, burada dəqiqləşmələr mütəmadi şəkildə aparılacaq. Miqrasiya, yerdəyişməyə görə siyahıda 3-5-i səhv düşə bilər. Buna da düzəliş olacaq. Burada problem yoxdur. Müaricət obyektivdirsə, buna dərhal baxılır və bərpa olunur. Əksidirsə ona dərhal izahat verilir".
Ə.Həsənov söyləyib ki, qaz, sayğac olmayan yerlərdə ödəniş əvvəlki qaydada aparılacaq: "Olan yerlərdə isə vətəndaşlar 36 manat vahid müavinəti alıb özləri ödəyəcəklər. Prezident tapşırıq vermişdi ki, qaz olmayan yerlədə yaşayan köçkünlərin qazlaşma işlərinə başlanılsın. Xüsusilə Biləsuvar rayonu ərazisində 16 mindən çox məcburi köçkün 11 qəsəbədə yaşayır. Artıq SOCAR-a tapşırıq verilib. Hesab edirəm ki, gələn həftə orada təbii qazın verilişi təmin olunacaq".
USD
EUR
GBP
RUB