"Bu günlərdə Milli Məclisin 3-cü oxunuşunda Sosial xidmət haqqında qanunu müzakirə olunacaq. Bu qanunda bir çox maraqlı yeniliklər var". SİA-nın xəbərinə görə, bunu Milli Məclisin Sosial siyasət komitəsinin sədri Hadi Rəcəbli deyib. O bildirib ki, bu gün sosial müdafiənin çoxlu elementləri var və qocalar üvi məsələsi müzakirə olunur. H.Rəcəblinin sözlərinə görə, sosias xidmətlərdə ediləcək dəyişiklərdən biri də insanlara psixoloji xidmətlərin göstərilməsidir.
"Bu gün gənc ailələrin bir qurumu sosial durumun ağırlığını boşanmaların səbəbi kimi göstərir. Amma mən deyərdimki, insanların psixoloji yardıma ehtiyacları var. O baxımdan sosial xidmətlərin yeni növləri ortaya qoyulmalı və qeyri-hökumət təşkilatları burada fəal iştirak etməlidir. Sosial sığınacaqlar həm pullu, həm də büdcə hesabına ola bilər. Biz hələ bunu qəbul edə bilmirik. Özəl qocalar evi dedikdə, bu insanlar tərəfindən düzgün başa düşülmür. Qocalar evi deyəndə atılmışlar kimi başa düşülür. Buna görə də bütövlükdə yeni qanunda sosial xidmətin yeni növləri ortaya qoyulacaq və bu kimi digər məsələlər müzakirə olunacaq", - deyə o əlavə edib.
USD
EUR
GBP
RUB