Biz Ermənistandan həmişə konstruktiv addım gözləyirik. SİA-nın xəbərinə görə, bunu Yeni Azərbaycan Partiyası sədrinin müavini-icra katibi Əli Əhmədov bildirib: "Əgər belə bir gözlənti ümidimiz olmasaydı yəqin ki, Azərbaycan tərəfindən münaqişənin nizamlanması üçün danışıqların aparılmasının heç bir mənası qalmazdı. Təəssüflər olsun ki, Ermənistan rəhbərliyi bu konstruktivliyi nümayiş etdirə bilmir. Ermənistan tərəfi başa düşməlidir ki, münqişənin ədaləli şəkildə həlli təkcə Azərbaycana qarşı edilən təcavüzün aradan qaldırılması deyil, eyni zamanda Ermənistanın özünün düçar olduğu iqtisadi bəladan çıxmasının vacib şərtlərindən biridir. Onlar bunu dərk ediblər amma yaxına buraxmaq istəmirlər. Biz yenədə Ermənistanın konstruktiv mövqe atacağına ümid edirik".
Prezident seçkilərinə qədər hakim partiya ilə müxalifət partiyaları arasında görüş keçirilə bilərmi? sualına cavabında Əli Əhmədov Azərbaycanın hakim Yeni Azərbaycan Partiyasının ölkədəki müxalifət partiyaları ilə dialoqun keçirilməsində ciddi problem görmədiyini vurğulayıb. Əli Əhmədov deyib ki, YAP Azərbaycanın ictimai-siyasi həyatındakı aktual problemlərlə bağlı bütün mütərəqqi düşüncəli qurumlarla həmişə dialoqa hazır olub: "YAP dəfələrlə müxalifət təşkilatları ilə müxtəlif səviyyədə dialoqların keçirilməsinin təşəbbüskarı olub. Amma müxalifət tərədən bu məsələyə yanaşma fərqlidir. Bütövlükdə onların yanaşmasında sağlam təfəkkür elementlərinin az olduğu müşahidə edilir. Əgər bu sahədə konstruktivlik olarsa, dialoqun keçirilməsində ciddi problem görmürəm".
İlkin Nəcəfov
USD
EUR
GBP
RUB