Dövlət Təhlükəsizliyi Xidmətinin Şirvan şəhər şöbəsinin sabiq əməkdaşı Rövşən Ağayev mayın 24-dən itkin düşmüş müəllim Sarayxanım Abdullayevanın onun sifarişi ilə qətlə yetirildiyini etiraf edib.
Rövşən Ağayev istintaqda dindirmə zamanı bildirib ki, Sarayxanım Abdullayeva onun sifarişi ilə Xankərəm Kərimov tərəfindən öldürülüb.
O da məlum olub ki, Xankərəm Kərimov özünə məxsus “KİA Rio” markalı avtomobilində Sarayxanım Abdullayevanı Şirvan şəhəri “Cənub” İstilik Elektrik Stansiyasının yaxınlığına gətirərək, orada sellofan torba ilə boğub.
7-8 saat avtomobildə qalan meyit sonradan Rövşən Ağayevin köməkliyi ilə axşam saatlarında Şamaxı rayonunun Göylər kəndi ərazisində, yaşayış məntəqəsi olmayan dağlıq ərazidə yarğana atılıb.
1956-cı il təvəllüdlü Sarayxanım Abdullayevanın öldürülməsi səbəblərinə gəlincə, hadisələr belə cərəyan edib. Dövlət Təhlükəsizliyi Xidmətinin Şirvan şəhər şöbəsinin sabiq əməkdaşı Ağayev Rövşən Firudin oğlu Sarayxanım Abdullayevadan oğlu, narkotik cinayətinə görə həbs olunmuş Abdullayev Xəyal Hüseynağa oğlunun azad edilməsi müqabilində 27 min manat alıb.
Lakin Xəyal Abdullayev azad edilməyib, Rövşən Ağayev aldığı pulu da qaytarmayıb.
Qeyd olunan faktlar üzrə başlanmış cinayət işi üzrə həyata keçirilən birgə istintaq hərəkətləri və əməliyyat-axtarış tədbirləri nəticəsində Rövşən Ağayev Dövlət Təhlükəsizliyi Xidməti orqanlarından xaric edilib və iş üzrə R. Ağayev və M. Əmirov şübhəli şəxs qismində saxlanılıblar.
USD
EUR
GBP
RUB