Bu gün Rusiya Azərbaycan münasibətləri ən yüksək səviyyədədir. SİA-nın məlumatına görə, bunu Rusiya Federasiyası hökuməti sədrinin müavini Olqa Qolodetsin deyib.
O bildirib ki, bunu nəinki iki ölkə prezidentlərinin birbaşa əlaqəsi, həmçinin 90-dan artıq parlamentlərarası sənədlərin imzalanması sübut edir. Bu sənədlər müxtəlif sahələri, mədəniyyət, təhsil, turizm və s. əhatə edir.
Rusiyalı rəsminin sözlərinə görə, Azərbaycan tarixi və coğrafi baxımdan regionun ən əhəmiyyətli ölkəsidir: "Biz Azərbaycanın dinamik inkişafını sevinclə qarşılayırıq".
O, Bakı Humanitar Forumuna da toxunub və bu tədbirin böyük önəm daşıdığını vurğulayıb.