Türkiyə-Suriya sərhədində vurulan təyyarə Rusiyaya məxsus "Su-24" tipli təyyarədir.
RİA "Novosti"nin xəbərinə görə, bu barədə Rusiyanın Müdafiə Nazirliyi məlumat verib.
"Təyyarə 6000 metr hündürlükdə uçub. Pilotların taleyi dəqiqləşdirilir. Bütün uçuş ərzində təyyarə yalnız Suriya ərazisi üzərində hərəkət edib. Bu, obyektiv nəzarət vasitələri tərəfindən qeydə alınıb. İlkin məlumata əsasən, pilotlar katapulta edə biliblər. Rusiya təyyarəsinin düşmə şəraiti aydınlaşdırılır.", - məlumatda deyilir.
Qeyd edək ki, məlumatı Türkiyə Silahlı Qüvvələri Baş Qərargah rəisi general Hulusi Akar da təsdiqləyib. O, təyyarənin 10 dəfə edilən xəbərdarlıqdan sonra vurulduğunu söyləyib.
Təyyarənin Türkiyə hava məkanını pozduğu üçün vurulduğu bildirilir.