Ankarada qatar stansiyasına gedən körpünün altında partlayış meydana gəlib. SİA-nın məlumatına görə, partlayış Ankarada "Əmək, sülh və demokratiya" adlı mitinqin keçirildiyi zonada baş verib. Partlayış nəticəsində 20 nəfərin öldüyü bildirilir.
Hadisənin şahidi olan şəxslər bildirib ki, eyni anda iki partlayış səsi eşidilib. Partlayış yerli vaxtla 10.30 radələrində meydana gəlib. Hadisə yerinə çoxlu sayda təcili yardım maşını toplaşıb. Yaralanan şəxslər xəstəxanalara yerləşdirilib.