Türkiyənin "O səs Türkiyə" yarışmasında iştirak edən müğənni Elnur Hüseynovun növbəti duelə çıxıb.
"O səs Türkiyə"nin favoritlərindən sayılan həmyerlimiz bu dəfə "Golden Eye" mahnısını oxuyub. Ebru Gündəş Şermin adlı iştirakçı ilə duelə çıxan Elnuru seçib və ona növbəti mərhələdə iştirak hüququ qazandırıb. Sonda tamaşaçıların xahişiylə Elnur mahnını ikinci dəfə səsləndirib.
Qeyd edək ki, Acun İlıcalının aparıcısı olduğu verilişdə münsif kreslosunda tanınmış müğənnilər Ebru Gündeş, Hadisə, Gökhan Özoğuz, Mazhar Alanson və Özkan Uğur yer alıb.