Bəstəkar Sevinc Tofiqqızı 20 Yanvar faciəsinə aid kompozisiya bəstələyib. SİA-ya açıqlama verən Sevinc xanım qanlı gecənin şahidi olduğunu söyləyib: "20 Yanavar qanlı gecəsinin şahidi olmuşam. Mən də özümə borc bilərək o gecədə şəhid olanların əziz xatirəsinə bəstə yazdım. 20 Yanvar günü həyatını itirən bütün şəhidlərimizə Allahdan rəhmət diləyirəm".
Qeyd edək ki, bəstəkar Sevinc Tofiqqızı 20 Yanvar şəhidlərimizin əziz xatirəsinə həsr etdiyi "Ümid körpüləri" adlı musiqi kompozisiyasına videofilm də çəkdirib. Klipin rejissoru Əziz Orucov, aranjimanıçı isə Osman Hemidovdur.