Hər zaman şou əhlinin geyiminə, ifasına nöqsan tutan Əli Mirəliyevin yeni videosu yayılıb. SİA-nın verdiyi xəbərə görə, görüntüdə aydın görünür ki, Mirəliyev ətrafdakıları təhqir edir və rol aldığı "Yumurta" komediyasının yaradıcı qrupu ilə dalaşır. Buna səbəb çəkiliş zamanı rejissorun ifaçıya rolun öhdəsindən yaxşı gələ bilmədiyini deməsi olub. Yaradıcı qrupun üzvlərindən biri isə "Səməd müəllim xalq artistidir. O, qırmızı şalvar geyinib kamera qarşısına çıxmaz"- söyləməsi Ə.Mirəliyevi daha da özündən çıxarıb. O qarşısına çıxan hər kəsi söyüb. Səməd Səmədova xitabən "Səməd, qıçlarını sındıraram, mənim çörəyimə bais olsan"- deyib.