"Bakı" futbol klubunun İspaniyada təşkil olunmuş təlim-məşq toplanışı davam edir. Siasport.az saytının məlumatına görə, komanda daha bir yoxlama oyunu keçirib. Paytaxt təmsilçisi Ukraynanın "Dnepr" klubu ilə qarşılaşıb. Oyundan öncə 20 yanvar faciəsinin qurbanları anılıb. "Bakı"nın futbolçuları meydançaya qara sarğı ilə çıxıb və qarşılaşmanın start fitindən əvvəl bir dəqiqəlik sükut elan olunub. Maraqlı mübarizə şəraitində keçən oyunda hesab açılmayıb - 0:0.
"Bakı" - "Dnepr" 0:0
"Bakı": A. Məmmədov (Nureddinoski 45), Ş. Əliyev, Qonzalez, Pelagias, Travner, V. Mustafayev, Horvat, Çesnauskis (Junior 70), Noqeyra (Ristoviç 81), C. Hüseynov (E. Məmmədov 45) R. Əliyev (Qürbətov 80).