Gənc və istedadlı müğənni Kamil Cəfərov 2014-cü ildə ilk xeyrli addımını ataraq yeni klip çəkdirib. Bu haqda SİA-ya elə Kamilin özü məlumat verib: "Sözləri Zeynəb Ədalətqızına, musiqisi Elvin Abdullayeva məxsus olan "Ayrılmaq istəyirəm" adlı yeni mahnımı lentə aldırmışam. Sözügedən klipin sujet xətti adı ilə bağlı olaraq ayrılıqdan bəhs edir. Əsas rolu özüm canlandırmışam. Ekran işində mən biznesmen, sevdiyim xanım isə işçimdir. Ümid edirəm ki, yeni işimi görənlər çox bəyənəcəklər".
Nəzərinizə çatdıraq ki, klipin rejissoru İbrahim Azəri, montaj qrafiki Oktay Ağamalıyevdir".
Qeyd edək ki, Kamil Cəfərov yaxın vaxtlarda mərhum sənətçi Məmmədbağır Bağırzadənin repertuarına müraciət edərək "Xatırlayan məni" bəstəsini yaxın vaxtlarda sevənlərinə təqdim edəcək.