Fransanın "Lans" klubu rəsmi internet saytında Hafiz Məmmədovun Lansa səfəri zamanı lentə alınmış görüntülərdən hazırladığı videomaterial yerləşdirib. Material H.Məmmədovun Luvr qalereyasını ziyarəti ilə başlayır. Ardından onun "Lans" klubunun prezidenti Jerve Martellə "Feliks Bollar" stadionunda gəzişməsi, Fransa 2-ci liqasının "Lans" - "Şatoru" oyununu izləyən anları yer alır.
Videoda "Lans"ın qələbəsini alqışlayan H.Məmmədov komandanın soyunub-geyinmə otağına gələrək, futbolçuları qələbə münasibə ilə təbrik edir.
Süjetdə H.Məmmədovun 2 həftə ərzində Lansda təlim-məşq toplantısı keçirən "Bakı"nın U-15 komandasının gənc futbolçuları ilə görüşü də öz əksini tapıb.