Noyabrın 22-dən "Sərhədçi" İdman Olimpiya Mərkəzində Ümummilli Lider Heydər Əliyevin xatirəsinə həsr olunmuş güləş üzrə "Qızıl Qran Pri" beynəlxalq turnirinin final mərhələsi start götürüb. Siasport.az saytı xəbər verir ki, proqrama əsasən, turnirin ilk günündə yunan-Roma güləşi üzrə bütün çəkilərdə qaliblər müəyyənləşib.
Azərbaycan güləşçiləri ümumilikdə 5 qızıl, 2 gümüş və 3 bürünc medala sahib olublar. Yığma komandamızın heyətində qızıl medalları Kamran Məmmədov (60 kq), Rəsul Çunayev (66 kq), Rafiq Hüseynov (74 kq), Saman Təhmasibi (84 kq) və Sabahi Sariat (120 kq) qazanıb. Yalnız final görüşündə məğlub olan Orxan Əhmədov (55 kq) və Vitali Rəhimov (66 kq) gümüş medalla kifayətlənib. Eldəniz Əzizli (55 kq), Taleh Məmmədov (60 kq) və Şəhriyar Məmmədov (84 kq) beynəlxalq turnirin final mərhələsinin bürünc medalını qazanıb.
Qalib və mükafatçılara medal, diplom, pul mükafatı ilə yanaşı, xüsusi olaraq Ümummilli Lider Heydər Əliyevin xatirəsinə həsr olunmuş güləş üzrə "Qızıl Qran Pri" beynəlxalq turnirinin final mərhələsi üçün hazırlanmış qol saatı və qızıl döş nişanları hədiyyə olunub.
55 kq
Bürünc medal - Şadibek Sulaymanov (KGZ) - Kanibek Jolçubekov (KGZ)
Bürünc medal - Eldəniz ƏZİZLİ - Janserik Sarsenbiyev (KAZ) 7-3
FİNAL - Orxan ƏHMƏDOV - Nursultan Kalmurzayev (KAZ) 3-3